№296 орта мектепте «Заң мен тәртіп» бағыты бойынша мамандардың қатысуымен кәмелетке толмағандар арасында профилактикалық түсіндірме іс-шарасы өткізілді.
Іс-шара барысында оқушыларға құқықтық сауаттылықты арттыру, заң талаптарын сақтау, жеке жауапкершілік және қауіпсіз мінез-құлық қағидалары туралы маңызды мәліметтер берілді.
Сонымен қатар буллинг пен кибербуллингтің алдын алу, олардың салдары, интернет кеңістігіндегі қауіпсіздік ережелері және мұндай жағдайларда қайда, кімге жүгіну керектігі жан-жақты түсіндірілді.
Кәмелетке толмағандардың кешкі уақытта ата-анасының рұқсатынсыз далаға шықпау, түнгі уақытта жүрудің құқықтық жауапкершілігі мен қауіптері туралы нақты ақпарат берілді.
Мамандар нақты өмірлік мысалдар келтіріп, жасөспірімдер тарапынан қойылған сұрақтарға жан-жақты әрі түсінікті жауап берді.
Кездесу барысында құқық бұзушылықтың алдын алу, зиянды әдеттерден сақтану, құқықтық тәртіпті сақтау және қоғамдағы тәртіп нормаларын сақтау мәселелері кеңінен түсіндірілді.
Мұндай профилактикалық іс-шаралар жасөспірімдердің құқықтық мәдениетін қалыптастыруға, заң мен тәртіпке деген құрметін арттыруға және саналы, жауапты азамат болып өсуіне үлкен үлес қосады.
Барша қатысушыларға алғысымызды білдіреміз!