Қысқы демалыс уақытында №296 орта мектеп оқушылары ата-аналарымен бірлесіп *”Отбасыммен оқыған бір кітап”* атты мектепішілік жоба аясында белсенді түрде кітап оқыды. Шараның мақсаты – оқушылардың кітап оқуға қызығушылығын арттыру, отбасылық байланысты нығайту және ата-аналармен тығыз байланыста жұмыс жүргізу болды.
Оқушылар өз отбасымен бірге әртүрлі жанрдағы көркем әдебиеттерді оқып, сол сәттерді бейнероликтер арқылы таспалады. Видеороликтерде оқушылар мен ата-аналардың кітапты бірлесіп оқып, әсерлерімен бөліскені, шығармадан үзінді оқығаны көрініс тапқан.
Шара нәтижесінде балалар мен ата-аналар арасында рухани байланыс артып, оқуға деген қызығушылық нығая түсті.